ਚੋਣ-ਦਿਵਸ ਤੋਂ ਪਹਿਲਾਂ ਵੋਟ ਪਾਓ
ਹਰ NYC ਵੋਟਰ ਚੋਣ ਦਿਹਾੜੇ ਤੋਂ ਪਹਿਲਾਂ ਆਪ ਜਾਕੇ ਅਗਾਊਂ ਵੋਟ ਪਾ ਸਕਦਾ/ਸਕਦੀ ਹੈ।ਪਹਿਲਾਂ ਵੋਟ ਪਾਉਣੀ ਸਹੂਲਤ ਵਾਲ਼ੀ, ਤੇਜ਼ ਅਤੇ ਲਚਕੀਲੀ ਹੁੰਦੀ ਹੈ।
ਕਿੱਥੇ ਵੋਟ ਪਾਉਣੀ ਹੈ
ਤੁਹਾਨੂੰ ਆਪਣੀ ਤੈਅਸ਼ੁਦਾ ਅਗਾਊਂ ਵੋਟਿੰਗ ਵਾਲ਼ੀ ਥਾਂ 'ਤੇ ਹੀ ਵੋਟ ਪਾਉਣੀ ਚਾਹੀਦੀ ਹੈ। ਤੁਹਾਡੀ ਅਗਾਊਂ ਵੋਟਿੰਗ ਵਾਲ਼ੀ ਥਾਂ ਤੁਹਾਡੀ ਚੋਣ-ਦਿਵਸ 'ਤੇ ਵੋਟਾਂ ਪੈਣ ਦੀ ਥਾਂ ਤੋਂ ਵੱਖਰੀ ਹੋ ਸਕਦੀ ਹੈ, ਇਸ ਲਈ ਜਾਣ ਤੋਂ ਪਹਿਲਾਂ ਪਤਾ ਲਾਉਣਾ ਯਕੀਨੀ ਬਣਾਓ!
ਵੋਟਾਂ ਪੈਣ ਵਾਲ਼ੀ ਆਪਣੀ ਥਾਂ ਦਾ ਪਤਾ ਲਾਓ
ਇਸ ਸਾਲ ਦੀ ਸ਼ੁਰੂਆਤ ਵਿੱਚ, ਨਿਊਯਾੱਰਕ ਅਗਾਊਂ ਡਾਕ ਵੋਟਰ ਕਾਨੂੰਨ (Early Mail Voter Act) ਸਾਰੇ ਵੋਟਰਾਂ ਨੂੰ ਡਾਕ ਰਾਹੀਂ ਅਗਾਊਂ ਵੋਟ ਪਾਉਣ ਦੀ ਮੰਜ਼ੂਰੀ ਦਿੰਦਾ ਹੈ।ਤੁਹਾਨੂੰ ਹੁਣ ਡਾਕ ਰਾਹੀਂ ਵੋਟ ਪਾਉਣ ਦਾ ਕਾਰਣ ਦੱਸਣ ਦੀ ਲੋੜ ਨਹੀਂ ਹੈ!
ਇੱਥੇ ਤੁਸੀਂ ਕੀ ਜਾਣਨਾ ਚਾਹੁੰਦੇ ਹੋ
- ਕੋਈ ਵੀ ਰਜਿਸਟਰਡ ਵੋਟਰ ਅਗਾਊਂ ਮੇਲ ਵੋਟ-ਪਰਚੀ ਲਈ ਅਪਲਾਈ ਕਰ ਸਕਦਾ ਹੈ।
- ਜੇ ਤੁਹਾਡੇ ਕੋਲ ਉਸ ਚੋਣ ਲਈ ਅਗਾਊਂ ਮੇਲ ਜਾਂ ਗੈਰਹਾਜ਼ਰ ਵੋਟ-ਪਰਚੀ ਹੈ, ਤਾਂ ਤੁਸੀਂ ਆਪਣੀ ਵੋਟਾਂ ਪੈਣ ਦੀ ਥਾਂ 'ਤੇ ਵੋਟਿੰਗ ਮਸ਼ੀਨ ਦੀ ਵਰਤੋਂ ਨਹੀਂ ਕਰ ਸਕਦੇ।
- ਜੇ ਤੁਸੀਂ ਆਪਣੀ ਗੈਰਹਾਜ਼ਰ ਜਾਂ ਅਗਾਊਂ ਡਾਕ ਵੋਟ-ਪਰਚੀ ਦੀ ਵਰਤੋਂ ਨਹੀਂ ਕਰਦੇ, ਤਾਂ ਤੁਸੀਂ ਆਪਣੀ ਵੋਟਾਂ ਪੈਣ ਦੀ ਥਾਂ 'ਤੇ ਹਲਫ਼ਨਾਮੇ ਵਾਲੀ ਵੋਟ-ਪਰਚੀ ਨਾਲ ਵਿਅਕਤੀਗਤ ਤੌਰ 'ਤੇ ਵੋਟ ਪਾ ਸਕਦੇ ਹੋ ਅਤੇ ਵੋਟਿੰਗ ਮਸ਼ੀਨ ਨਾਲ ਨਹੀਂ।
ਅਗਾਊਂ ਡਾਕ ਵੋਟ-ਪਰਚੀ ਲਈ ਕਿਵੇਂ ਅਪਲਾਈ ਕਰੀਏ
- https://requestballot.vote.nyc 'ਤੇ ਆੱਨਲਾਈਨ
- ਅਪਾਹਜਤਾ ਯਾਨੀ ਅਸਮਰੱਥ ਵੋਟਰਾਂ, ਜਿਹਨਾਂ ਨੂੰ ਆਪਣੀ ਵੋਟ-ਪਰਚੀ ਵਿੱਚ ਮਦਦ ਦੀ ਲੋੜ ਹੈ, ਲਈ ਤੁਸੀਂ ਇੱਥੇ ਸੌਖੇ ਤਰੀਕੇ ਨਾਲ ਵੋਟ-ਪਰਚੀ ਲਈ ਮਦਦ ਵਾਸਤੇ ਬੇਨਤੀ ਕਰ ਸਕਦੇ ਹੋ: https://requestballot.vote.nyc/accessibility
- ਆਪਣੇ ਸਥਾਨਕ ਚੋਣ ਬੋਰਡ (Board of Elections, BOE) ਦੇ ਦਫ਼ਤਰ ਵਿੱਚ ਵਿਅਕਤੀਗਤ ਤੌਰ 'ਤੇ।
ਆਪਣੀ ਵੋਟ-ਪਰਚੀ ਲਈ ਕਦੋਂ ਬੇਨਤੀ ਕਰੀਏ
ਅੰਤਮ ਤਾਰੀਖ਼, ਜੋ ਕਿ ਚੋਣ ਤੋਂ ਦਸ ਦਿਨ ਪਹਿਲਾਂ ਹੈ, ਤੱਕ ਮੇਲ ਰਾਹੀਂ ਜਾਂ ਆੱਨਲਾਈਨ ਅਗਾਊਂ ਡਾਕ ਵੋਟ-ਪਰਚੀ ਜਾਂ ਗੈਰਹਾਜ਼ਰ ਵੋਟ-ਪਰਚੀ ਲਈ ਬੇਨਤੀ ਕਰਨਾ ਯਕੀਨੀ ਬਣਾਓ। ਤੁਸੀਂ ਚੋਣ ਤੋਂ ਇੱਕ ਦਿਨ ਪਹਿਲਾਂ ਤੱਕ ਵਿਅਕਤੀਗਤ ਤੌਰ 'ਤੇ ਅਪਲਾਈ ਕਰ ਸਕਦੇ ਹੋ।
2024 ਦੀ ਚੋਣ ਲਈ ਅਗਾਊਂ ਡਾਕ ਵੋਟ-ਪਰਚੀ ਦੀ ਬੇਨਤੀ ਕਰਨ ਦੀਆਂ ਅੰਤਮ ਤਾਰੀਖ਼ਾਂ
- 2 ਅਪ੍ਰੈਲ, 2024 ਰਾਸ਼ਟਰਪਤੀ ਦੀਆਂ ਪ੍ਰਮੁੱਖ ਚੋਣਾਂ:
- ਆੱਨਲਾਈਨ ਜਾਂ ਡਾਕ ਰਾਹੀਂ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 23 ਮਾਰਚ, 2024 ਹੈ
- ਵਿਅਕਤੀਗਤ ਤੌਰ 'ਤੇ ਆਪਣੇ ਸਥਾਨਕ ਚੋਣ ਬੋਰਡ ਦਫ਼ਤਰ ਵਿਖੇ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 1 ਅਪ੍ਰੈਲ, 2024 ਹੈ
- 25 ਜੂਨ, 2024 ਰਾਜ ਅਤੇ ਫ਼ੈਡਰਲ ਪ੍ਰਮੁੱਖ ਚੋਣਾਂ:
- ਆੱਨਲਾਈਨ ਜਾਂ ਡਾਕ ਰਾਹੀਂ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 15 ਜੂਨ, 2024 ਹੈ
- ਵਿਅਕਤੀਗਤ ਤੌਰ 'ਤੇ ਆਪਣੇ ਸਥਾਨਕ ਚੋਣ ਬੋਰਡ ਦਫ਼ਤਰ ਵਿਖੇ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 24 ਜੂਨ, 2024 ਹੈ
- 5 ਨਵੰਬਰ ਦੀਆਂ ਆਮ ਚੋਣਾਂ:
- ਆੱਨਲਾਈਨ ਜਾਂ ਡਾਕ ਰਾਹੀਂ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 26 ਅਕਤੂਬਰ, 2024 ਹੈ
- ਵਿਅਕਤੀਗਤ ਤੌਰ 'ਤੇ ਆਪਣੇ ਸਥਾਨਕ ਚੋਣ ਬੋਰਡ ਦਫ਼ਤਰ ਵਿਖੇ ਅਪਲਾਈ ਕਰਨ ਦੀ ਅੰਤਮ ਤਾਰੀਖ਼ 4 ਨਵੰਬਰ, 2024 ਹੈ
ਤੁਹਾਨੂੰ ਆਪਣੀ ਵੋਟ-ਪਰਚੀ ਮਿਲਣ ਤੋਂ ਬਾਅਦ
- ਹਰ ਇੱਕ ਦਫ਼ਤਰ ਲਈ ਆਪਣੀਂ ਪਸੰਦ ਬਾਰੇ ਵਿਚਾਰ ਕਰੋ ਅਤੇ ਵੋਟ-ਪਰਚੀ 'ਤੇ ਉਹਨਾਂ 'ਤੇ ਗੋਲਾ ਲਾਓ।
- ਆਪਣੀ ਵੋਟ-ਪਰਚੀ ਨੂੰ ਉਪਲਬਧ ਕਰਾਏ ਗਏ ਸੁਰੱਖਿਆ ਲਿਫ਼ਾਫ਼ੇੇ ਵਿੱਚ ਰੱਖੋ।
- ਸੁਰੱਖਿਆ ਲਿਫ਼ਾਫ਼ੇੇ ਦੇ ਬਾਹਰਲੇ ਪਾਸੇ ਦਸਤਖ਼ਤ ਕਰੋ ਅਤੇ ਤਾਰੀਖ਼ ਪਾਓ।
- ਸੁਰੱਖਿਆ ਲਿਫ਼ਾਫ਼ਾ ਸੀਲ ਕਰੋ।
- ਸੁਰੱਖਿਆ ਲਿਫ਼ਾਫ਼ੇ ਨੂੰ ਵਾਪਸ ਭੇਜੇ ਜਾਣ ਵਾਲੇ ਵੱਡੇ ਲਿਫ਼ਾਫ਼ੇ ਵਿੱਚ ਪਾਓ, ਜਿਸ 'ਤੇ ਤੁਹਾਡੇ ਚੋਣ ਬੋਰਡ ਦਾ ਵਾਪਸੀ ਦਾ ਪਤਾ ਹੈ ਅਤੇ ਇਸਦੇ ਸਾਹਮਣੇ ਵਾਲੇ ਪਾਸੇ: “Official Election Mail”।
- ਰਿਟਰਨ ਲਿਫ਼ਾਫ਼ਾ ਸੀਲ ਕਰੋ।
- ਮੇਲਬਾੱਕਸ ਦਾ ਪਤਾ ਲਾਓ ਅਤੇ ਇਸਨੂੰ ਉਸ ਵਿੱਚ ਪਾਓ। ਟਿਕਟਾਂ ਲਾਉਣ ਦੀ ਲੋੜ ਨਹੀਂ ਹੈ!
ਅਕਸਰ ਪੁੱਛੇ ਜਾਣ ਵਾਲੇ ਮੁੱਖ ਸੁਆਲ
ਅਗਾਊਂ ਵੋਟਿੰਗ ਕਦੋਂ ਹੈ?
ਅਗਾਊਂ ਵੋਟਿੰਗ ਚੋਣ ਦਿਹਾੜਾ 10 ਦਿਨ ਪਹਿਲਾਂ ਸ਼ੁਰੂ ਹੁੰਦਾ ਹੈ ਅਤੇ ਚੋਣ ਦਿਹਾੜੇ ਤੋਂ ਪਹਿਲਾਂ ਐਤਵਾਰ ਨੂੰ ਖ਼ਤਮ ਹੁੰਦਾ ਹੈ।
ਜੇ ਮੈਂ ਗੈਰਹਾਜ਼ਰ ਬੈਲਟ ਦੀ ਬੇਨਤੀ ਕੀਤੀ ਸੀ ਜਾਂ ਸਬਮਿਟ ਕੀਤੀ ਸੀ, ਤਾਂ ਕੀ ਮੈਂ ਅਗਾਊਂ ਵੋਟ ਪਾ ਸਕਦਾ/ਸਕਦੀ ਹਾਂ?
ਜੇ ਤੁਸੀਂ ਪੋਸਟਲ ਵੋਟ ਲਈ ਬੇਨਤੀ ਕੀਤੀ ਹੈ, ਤਾਂ ਤੁਹਾਨੂੰ ਇਸ ਨਾਲ ਵੋਟ ਪਾਉਣ ਦਾ ਪਲਾਨ ਬਣਾਉਣਾ ਚਾਹੀਦਾ ਹੈ। ਜਦੋਂ ਵੋਟਾਂ ਪੈ ਰਹੀਆਂ ਹੋਣ, ਤਾਂ ਤੁਸੀਂ ਕਿਸੇ ਵੀ ਅਗਾਊਂ ਵੋਟਿੰਗ ਵਾਲ਼ੀ ਥਾਂ 'ਤੇ ਆਪਣੀ ਭਰੀ ਹੋਈ ਪੋਸਟਲ ਵੋਟ ਡ੍ਰਾੱਪ ਬਾੱਕਸ ਵਿੱਚ ਪਾ ਸਕਦੇ ਹੋ। ਹਾਲਾਂਕਿ, ਜੇ ਤੁਸੀਂ ਪੋਸਟਲ ਵੋਟ ਦੀ ਬੇਨਤੀ ਕਰਨ ਤੋਂ ਬਾਅਦ ਆਪ ਜਾਕੇ ਵੋਟ ਪਾਉਣ ਦੀ ਚੋਣ ਕਰਦੇ ਹੋ, ਤਾਂ ਤੁਹਾਨੂੰ ਆਪਣੀ ਵੋਟ ਪਾਉਣ ਵਾਲ਼ੀ ਥਾਂ 'ਤੇ ਹਲਫ਼ੀਆ ਬਿਆਨ ਵਾਲੀ ਵੋਟ-ਪਰਚੀ ਨਾਲ ਵੋਟ ਪਾਉਣੀ ਪਏੇਗੀ। ਇਹ ਵੋਟ-ਪਰਚੀ ਵੱਖਰੀ ਨਜ਼ਰ ਆਏਗੀ। ਜੇ ਤੁਹਾਨੂੰ ਇਸਦੀ ਲੋੜ ਹੈ, ਤਾਂ ਮਦਦ ਲਈ ਪੋਲ ਵਰਕਰ ਨੂੰ ਕਹੋ।
ਅਗਾਊਂ ਵੋਟਿੰਗ ਦੇ ਕੀ ਫ਼ਾਇਦੇ ਹਨ?
ਅਗਾਊਂ ਵੋਟਿੰਗ ਵੋਟਰਾਂ ਨੂੰ ਵੱਧ ਲਚਕੀਲਾਪਨ ਦਿੰਦੀ ਹੈ, ਚੋਣ ਦਿਹਾੜੇ ਵਾਲੇ ਦਿਨ ਦੀ ਉਡੀਕ ਕਰਨ ਦਾ ਸਮਾਂ ਘਟਾਉਂਦੀ ਹੈ, ਅਤੇ ਚੋਣ ਵਰਕਰਾਂ ਦਾ ਭਾਰ ਘੱਟ ਕਰਦੀ ਹੈ, ਹਰ ਕਿਸੇ ਦੇ ਵੋਟਿੰਗ ਦੇ ਅਨੁਭਵ ਨੂੰ ਹੋਰ ਖ਼ੁਸ਼ਗਵਾਰ ਬਣਾਉਂਦੀ ਹੈ!
ਅਸੀਂ ਅਗਾਊਂ ਵੋਟ ਕਿਉਂ ਪਾਉਂਦੇ ਹਾਂ?
ਗਵਰਨਰ ਨੇ 2019 ਵਿੱਚ ਅਗਾਊਂ ਵੋਟਿੰਗ ਬਾਰੇ ਕਾਨੂੰਨ 'ਤੇ ਦਸਤਖਤ ਕੀਤੇ ਸੀ। ਇਸ ਨੂੰ ਸਟੇਟ ਸੈਨੇਟ ਅਤੇ ਅਸੈਂਬਲੀ ਵਿੱਚ ਦੋ-ਪੱਖੀ ਹਿਮਾਇਤ ਮਿਲੀ ਸੀ।
