ਆਪਣੀ ਗੱਲ ਕਹੋ, NYC!
ਕਿੱਥੇ ਵੋਟ ਪਾਉਣੀ ਹੈ
ਤੁਹਾਨੂੰ ਵੋਟ ਪਾਉਣ ਵਾਲ਼ੀ ਮਿੱਥੀ ਹੋਈ ਥਾਂ 'ਤੇ ਹੀ ਵੋਟ ਪਾਉਣੀ ਚਾਹੀਦੀ ਹੈ। ਵੋਟ ਪਾਉਣ ਵਾਲ਼ੀਆਂ ਥਾਵਾਂ ਸਾਲ-ਦਰ-ਸਾਲ ਜਾਂ ਇੱਥੋਂ ਤੱਕ ਕਿ ਪਾਣੀ ਦਾ ਮੁੱਖ ਪਾਈਪ ਫਟਣ ਜਾਂ ਬਿਜਲੀ ਕਟੌਤੀ ਵਰਗੇ ਮਸਲੇ ਕਰਕੇ ਆਖ਼ਰੀ ਸਮੇਂ 'ਤੇੇ ਵੀ ਬਦਲ ਸਕਦੀਆਂ ਹਨ। ਇਸ ਕਰਕੇ ਜਾਣ ਤੋਂ ਪਹਿਲਾਂ ਪਤਾ ਲਾਉਣਾ ਯਕੀਨੀ ਬਣਾਓ!
ਵੋਟਾਂ ਪੈਣ ਵਾਲ਼ੀ ਆਪਣੀ ਥਾਂ ਦਾ ਪਤਾ ਲਾਓ
ਵੋਟ ਕਦੋਂ ਪਾਉਣੀ ਹੈ
ਵੋਟਾਂ 5 ਨਵੰਬਰ ਨੂੰ ਸਵੇਰੇ 6 ਵਜੇ-ਰਾਤੀਂ 9 ਵਜੇ ਤੱਕ ਪਾਈਆਂ ਜਾ ਸਕਦੀਆਂ ਹਨ। ਤੁਸੀਂ 26 ਅਕਤੂਬਰ - 3 ਨਵੰਬਰ ਤੱਕ ਆਪ ਜਾਕੇ ਵੀ ਅਗਾਊਂ ਵੋਟ ਪਾ ਸਕਦੇ ਹੋ।
ਅਕਸਰ ਪੁੱਛੇ ਜਾਣ ਵਾਲ਼ੇ ਸੁਆਲ
ਕੀ ਮੈਂ ਚੋਣ ਦਿਹਾੜੇ ਤੋਂ ਅਗਾਊਂ ਵੋਟ ਪਾ ਸਕਦਾ/ਸਕਦੀ ਹਾਂ?
ਹਾਂ! ਤੁਸੀਂ 26 ਅਕਤੂਬਰ-3 ਨਵੰਬਰ ਤੱਕ ਆਪ ਜਾਕੇ ਅਗਾਊਂ ਵੋਟ ਪਾ ਸਕਦੇ ਹੋ। ਤੁਸੀਂ ਪੋਸਟਲ ਵੋਟ-ਪਰਚੀ ਲਈ ਬੇਨਤੀ ਕਰਕੇ ਡਾਕ ਰਾਹੀਂ ਵੀ ਵੋਟ ਪਾ ਸਕਦੇ ਹੋ। ਵੋਟ ਪਾਉਣ ਲਈ ਹੋਰ ਤਰੀਕਿਆਂ ਬਾਰੇ ਜਾਣੋ।
ਜੇ ਮੈਂ ਗੈਰਹਾਜ਼ਰ ਬੈਲਟ ਬਾਰੇ ਬੇਨਤੀ ਕੀਤੀ ਹੈ ਜਾਂ ਜਮ੍ਹਾ ਕੀਤੀ ਹੈ, ਤਾਂ ਕੀ ਮੈਂ ਚੋਣ ਦਿਹਾੜੇ 'ਤੇ ਵੋਟ ਪਾ ਸਕਦਾ/ਸਕਦੀ ਹਾਂ?
ਜੇ ਤੁਸੀਂ ਪੋਸਟਲ ਵੋਟ ਲਈ ਬੇਨਤੀ ਕੀਤੀ ਹੈ, ਤਾਂ ਤੁਹਾਨੂੰ ਇਸ ਨਾਲ ਵੋਟ ਪਾਉਣ ਦਾ ਪਲਾਨ ਬਣਾਉਣਾ ਚਾਹੀਦਾ ਹੈ। ਜਦੋਂ ਵੋਟਾਂ ਪੈ ਰਹੀਆਂ ਹੋਣ, ਤਾਂ ਤੁਸੀਂ ਕਿਸੇ ਵੀ ਅਗਾਊਂ ਵੋਟਿੰਗ ਵਾਲ਼ੀ ਥਾਂ 'ਤੇ ਆਪਣੀ ਭਰੀ ਹੋਈ ਪੋਸਟਲ ਵੋਟ ਡ੍ਰਾੱਪ ਬਾੱਕਸ ਵਿੱਚ ਪਾ ਸਕਦੇ ਹੋ। ਹਾਲਾਂਕਿ, ਜੇ ਤੁਸੀਂ ਪੋਸਟਲ ਵੋਟ ਦੀ ਬੇਨਤੀ ਕਰਨ ਤੋਂ ਬਾਅਦ ਆਪ ਜਾਕੇ ਵੋਟ ਪਾਉਣ ਦੀ ਚੋਣ ਕਰਦੇ ਹੋ, ਤਾਂ ਤੁਹਾਨੂੰ ਆਪਣੀ ਵੋਟ ਪਾਉਣ ਵਾਲ਼ੀ ਥਾਂ 'ਤੇ ਹਲਫ਼ੀਆ ਬਿਆਨ ਵਾਲੀ ਵੋਟ-ਪਰਚੀ ਨਾਲ ਵੋਟ ਪਾਉਣੀ ਪਏੇਗੀ। ਇਹ ਵੋਟ-ਪਰਚੀ ਵੱਖਰੀ ਨਜ਼ਰ ਆਏਗੀ। ਜੇ ਤੁਹਾਨੂੰ ਇਸਦੀ ਲੋੜ ਹੈ, ਤਾਂ ਮਦਦ ਲਈ ਪੋਲ ਵਰਕਰ ਨੂੰ ਕਹੋ।
ਜੇ ਮੈਂ ਵੋਟਾਂ ਪੈਣ ਦੀ ਥਾਂ ਬੰਦ ਹੋਣ 'ਤੇ ਆਪਣੀ ਵੋਟਾਂ ਪੈਣ ਦੀ ਥਾਂ 'ਤੇ ਲਾਈਨ ਵਿੱਚ ਹਾਂ, ਤਾਂ ਕੀ ਮੈਂ ਅਜੇ ਵੀ ਵੋਟ ਪਾ ਸਕਦਾ/ਸਕਦੀ ਹਾਂ?
ਹਾਂ! ਤੁਹਾਨੂੰ ਵੋਟ ਪਾਉਣ ਦਾ ਉਸ ਸਮੇਂ ਤੱਕ ਹੱਕ ਹੈ, ਜਦੋਂ ਤੱਕ ਤੁਸੀਂ ਚੋਣ-ਦਿਵਸ 'ਤੇ ਰਾਤੀਂ 9 ਵਜੇ ਤੱਕ ਲਾਈਨ ਵਿੱਚ ਇੱਕ ਰਜਿਸਟਰਡ ਵੋਟਰ ਹੁੰਦੇ ਹੋ।
NYC ਵਿੱਚ ਚੋਣ ਦਿਹਾੜਾ ਕਦੋਂ ਹੈ?
ਚੋਣ ਦਿਹਾੜਾ ਨਵੰਬਰ 5ਨੂੰ ਹੈ।
