ਇਹ ਚੋਣਾਂ ਤੋਂ ਪਹਿਲਾਂ ਦੀ ਚੋਣ ਹੈ। ਪ੍ਰਮੁੱਖ ਚੋਣਾਂ ਵਿੱਚ, ਤੁਸੀਂ ਫ਼ੈਸਲਾ ਕਰਦੇ ਹੋ ਕਿ ਕਿਹੜਾ ਉਮੀਦਵਾਰ ਆਮ ਚੋਣਾਂ ਲਈ ਤੁਹਾਡੀ ਪਾਰਟੀ ਦਾ ਨਾਮਜ਼ਦ ਸ਼ਖ਼ਸ ਹੋਏਗਾ।
ਪ੍ਰਮੁੱਖ ਚੋਣਾਂ ਕਦੋਂ ਹੁੰਦੀਆਂ ਹਨ?
- ਜਦੋਂ ਇੱਕ ਤੋਂ ਵੱਧ ਉਮੀਦਵਾਰ ਕਿਸੇ ਪਾਰਟੀ ਦੀ ਨਾਮਜ਼ਦਗੀ ਲੈਣਾ ਚਾਹੁੰਦੇ ਹਨ।
ਪ੍ਰਮੁੱਖ ਚੋਣ ਵਿੱਚ ਕੌਣ ਵੋਟ ਪਾ ਸਕਦਾ ਹੈ?
- ਪ੍ਰਮੁੱਖ ਚੋਣ ਵਿੱਚ ਵੋਟ ਪਾਉਣ ਲਈ, ਤੁਹਾਡਾ ਕਿਸੇ ਸਿਆਸੀ ਪਾਰਟੀ ਨਾਲ ਰਜਿਸਟਰ ਹੋਣਾ ਬਹੁਤ ਜ਼ਰੂਰੀ ਹੈ।
ਜਦੋਂ ਕੋਈ ਉਮੀਦਵਾਰ ਪ੍ਰਮੁੱਖ ਚੋਣ ਜਿੱਤਦਾ ਹੈ, ਤਾਂ ਕੀ ਹੁੰਦਾ ਹੈ?
- ਪ੍ਰਮੁੱਖ ਚੋਣ ਦਾ ਜੇਤੂ ਨਵੰਬਰ ਵਿੱਚ ਹੁੰਦੀਆਂ ਆਮ ਚੋਣਾਂ ਵਿੱਚ ਉਸ ਪਾਰਟੀ ਦੇ ਨਾਮਜ਼ਦ ਸ਼ਖ਼ਸ਼ ਵਜੋਂ ਚੋਣ ਲੜਣ ਲਈ ਖੜ੍ਹਾ ਹੁੰਦਾ ਹੈ।
ਮੈਂ ਕਿੰਨੇ ਉਮੀਦਵਾਰਾਂ ਨੂੰ ਵੋਟ ਪਾ ਸਕਦਾ ਹਾਂ?
ਸ਼ਹਿਰੀ ਦਫ਼ਤਰਾਂਲਈ ਪ੍ਰਮੁੱਖ ਚੋਣਾਂ ਵਿੱਚ, NYC ਤਰਜੀਹੀ ਵੋਟਿੰਗ ਦੀ ਵਰਤੋਂ ਕਰਦੀ ਹੈ।ਇਸਦਾ ਮਤਲਬ ਹੈ ਕਿ ਤੁਸੀਂ ਸਿਰਫ਼ 1 ਨੂੰ ਚੁਣਨ ਦੀ ਥਾਂ ਤਰਜੀਹੀ-ਤਰਤੀਬ ਵਿੱਚ 5 ਉਮੀਦਵਾਰਾਂ ਤੱਕ ਨੂੰ ਰੈਂਕ ਦੇ ਸਕਦੇ ਹੋ।
ਹੋਰ ਸਾਰੀਆਂ ਪ੍ਰਮੁੱਖ ਚੋਣਾਂ (ਜਿਵੇਂ ਪ੍ਰੈਜ਼ੀਡੈਂਟ ਲਈ) ਵਿੱਚ, ਤੁਸੀਂ ਸਿਰਫ਼ ਇੱਕ ਉਮੀਦਵਾਰ ਨੂੰ ਵੋਟ ਪਾ ਸਕਦੇ ਹੋ।
