NYC Votes ਅਗਲੀ ਪੀੜ੍ਹੀ ਦੇ ਆਗੂਆਂ ਨੂੰ ਕਿਵੇਂ ਸਿਖਲਾਈ ਦੇ ਰਹੀ ਹੈ​​ 

ਉਸਨੇ ਕਿਹਾ "ਹਾਈ ਸਕੂਲ ਵਿੱਚ, ਮੈਂ ਸੱਚਮੁੱਚ ਸ਼ਰਮੀਲੀ ਸੀ"। “ਮੈਂ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਮੈਂ ਅਜਨਬੀਆਂ ਕੋਲ ਜਾਵਾਂਗੀ ਅਤੇ ਵੋਟ ਪਾਉਣ ਬਾਰੇ ਗੱਲ ਕਰਾਂਗੀ। ਪਰ ਉਸ ਸਿਖਲਾਈ ਤੋਂ ਬਾਅਦ, ਮੈਨੂੰ ਉਸ ਕੰਮ ਨਾਲ ਪਿਆਰ ਜਿਹਾ ਹੋ ਗਿਆ।"​​  

ਇਹ ਸਿਰਫ਼ ਇਸ ਇਕੱਲੀ ਦੀ ਗੱਲ ਨਹੀਂ ਹੈ।​​  

2023 ਯੂਥ ਅੰਬੈਸਡਰ ਅਤੇ ਮੌਜੂਦਾ ਐਲੂਮਨੀ ਕਮੇਟੀ ਮੈਂਬਰ, ਮਰੀਅਮਾ ਟੂਰੈ ਨੇ ਕਿਹਾ ਕਿ ਉਸਨੇ ਆਪਣੇ ਅਧਿਆਪਕ ਦੇ ਗੂਗਲ ਕਲਾਸਰੂਮ ਪੰਨੇ 'ਤੇ ਇੱਕ ਮੌਕਾ ਦੇਖਣ ਤੋਂ ਬਾਅਦ ਆਪਣੀ ਮਰਜ਼ੀ ਨਾਲ ਅਪਲਾਈ ਕੀਤਾ।​​  

ਉਸਨੇ ਸਪੱਸ਼ਟਤਾ ਨਾਲ ਕਿਹਾ "ਮੈਨੂੰ ਨਾਗਰਿਕ ਸ਼ਾਸਤਰ ਵਿੱਚ ਕੋਈ ਦਿਲਚਸਪੀ ਨਹੀਂ ਸੀ"। “ਮੈਂ ਸੋਚਿਆ ਸੀ ਕਿ ਮੈਂ ਡਾਕਟਰ ਬਣਨਾ ਚਾਹੁੰਦੀ ਹਾਂ। ਮੈਂ ਬਸ ਕੁਝ ਨਵਾਂ ਅਜ਼ਮਾਉਣਾ ਚਾਹੁੰਦੀ ਸੀ।"​​  

ਇਸ "ਕੁਝ ਨਵੇਂ" ਨੇ ਉਨ੍ਹਾਂ ਦੇ ਭਵਿੱਖ ਨੂੰ ਬਦਲ ਦਿੱਤਾ।​​ 

ਜ਼ਮੀਨੀ ਪੱਧਰ ਤੋਂ ਨਾਗਰਿਕ ਅਗਵਾਈ ਦਾ ਨਿਰਮਾਣ ਕਰਨਾ​​  

2020 ਵਿੱਚ ਸ਼ੁਰੂਆਤ, NYC Votes Youth Ambassador ਪ੍ਰੋਗਰਾਮ ਨੌਜਵਾਨ ਨਿਊਯਾਰਕ ਵਾਸੀਆਂ ਨੂੰ ਵਿਹਾਰਕ ਸਿਖਲਾਈ, ਭੁਗਤਾਨ ਸਮੇਤ ਨਾਗਰਿਕ ਕੰਮ ਅਤੇ ਅਗਵਾਈ ਵਿਕਾਸ ਰਾਹੀਂ ਲੋਕਤੰਤਰੀ ਪ੍ਰਕਿਰਿਆ ਵਿੱਚ ਸ਼ਾਮਲ ਕਰਦਾ ਹੈ। ਆਪਣੀ ਸ਼ੁਰੂਆਤ ਤੋਂ ਲੈ ਕੇ, ਇਸ ਪ੍ਰੋਗਰਾਮ ਨੇ ਪੰਜ ਬਰੋ ਦੇ ਲਗਭਗ 115 ਵਿਦਿਆਰਥੀਆਂ ਨੂੰ ਮੌਕਾ ਦਿੱਤਾ ਹੈ।​​  

2025 ਵਿੱਚ, NYC Votes ਨੇ ਸ਼ਹਿਰ ਭਰ ਵਿੱਚੋਂ ਯੂਥ ਅੰਬੈਸਡਰਾਂ ਦੀ ਚੋਣ ਕੀਤੀ, ਉਹਨਾਂ ਨੌਜਵਾਨਾਂ ਨੂੰ ਤਰਜੀਹ ਦਿੱਤੀ ਜੋ ਸਭ ਤੋਂ ਘੱਟ ਵੋਟਰ ਇਕੱਠ ਵਾਲੇ ਗੁਆਂਢਾਂ ਵਿੱਚ ਰਹਿੰਦੇ ਹਨ ਜਾਂ ਸਕੂਲ ਜਾਂਦੇ ਹਨ। ਉਸੇ ਸਾਲ, ਨਿਊਯਾਰਕ ਸਿਟੀ ਦੇ ਚੋਣ ਬੋਰਡ ਮੁਤਾਬਕ, ਬ੍ਰੌਂਕਸ ਵਿੱਚ 33% ਦੀ ਤੁਲਨਾ ਵਿੱਚ ਮੈਨਹਟਨ ਦੇ 54% ਯੋਗ ਵੋਟਰਾਂ ਨੇ ਵੋਟ-ਪਰਚੀ ਨਾਲ ਵੋਟ ਪਾਈ। ਇਹ ਫ਼ਰਕ ਦਰਸਾਉਂਦਾ ਹੈ ਕਿ ਇਹਨਾਂ ਅੰਬੈਸਡਰਾਂ ਦਾ ਉਨ੍ਹਾਂ ਭਾਈਚਾਰਿਆਂ ਵਿੱਚ ਕੀ ਪ੍ਰਭਾਵ ਪੈ ਸਕਦਾ ਹੈ ਜਿੱਥੇ ਆਮ ਤੌਰ 'ਤੇ ਘੱਟ ਲੋਕ ਵੋਟ ਪਾਉਂਦੇ ਹਨ।​​  

 ਇਮਤਿਆਜ਼ ਲਈ, ਉਸਦੇ ਪਹਿਲੇ ਪਹੁੰਚ ਪ੍ਰੋਗਰਾਮਾਂ ਵਿੱਚੋਂ ਇੱਕ ਬਰੁਕਲਿਨ ਦੇ ਗ੍ਰੈਂਡ ਆਰਮੀ ਪਲਾਜ਼ਾ ਵਿਖੇ ਸੀ।​​  

ਉਸਨੇ ਕਿਹਾ "ਇੰਝ ਲੱਗਿਆ ਜਿਵੇਂ ਅਸੀਂ ਸਿੱਧੇ ਇਸ ਵਿੱਚ ਡਿੱਗ ਗਏ"। “ਕੁਝ ਲੋਕਾਂ ਨੇ ਸਾਨੂੰ ਨਜ਼ਰਅੰਦਾਜ਼ ਕੀਤਾ। ਕੁਝ ਖੁੱਲ੍ਹ ਕੇ ਗੱਲ ਕਰਨ ਲਈ ਤਿਆਰ ਸਨ। ਪਹਿਲਾਂ ਤਾਂ ਇਹ ਡਰਾਉਣਾ ਸੀ। - ਪਰ ਇਸ ਨਾਲ ਬਹੁਤ ਹੌਂਸਲਾ ਮਿਲਿਆ।​​  

ਟੂਰੈ ਨੂੰ ਯੂਨੀਅਨ ਸਕੁਏਅਰ ਵਿੱਚ ਆਪਣੇ ਸ਼ੁਰੂਆਤੀ ਪਹੁੰਚ ਪ੍ਰੋਗਰਾਮਾਂ ਦੌਰਾਨ ਵੀ ਇਸੇ ਤਰ੍ਹਾਂ ਦੇ ਘਬਰਾਹਟ ਵਾਲੇ ਪਲ ਯਾਦ ਹਨ।​​  

ਉਸਨੇ ਕਿਹਾ "ਸ਼ੁਰੂ-ਸ਼ੁਰੂ ਵਿੱਚ ਮੈਨੂੰ ਸੰਗ ਲੱਗਦੀ ਸੀ"। "ਲੋਕਾਂ ਕੋਲ ਜਾ ਕੇ ਇਹ ਪੁੱਛਣ ਵਿੱਚ ਮੈਨੂੰ ਬਹੁਤ ਸਮਾਂ ਲੱਗਾ, 'ਕੀ ਤੁਸੀਂ ਵੋਟ ਪਾਉਣ ਲਈ ਰਜਿਸਟਰ ਕੀਤਾ ਹੈ?'"​​  

ਆਚੋਲ ਦਾ ਪਹਿਲਾ ਪਹੁੰਚ ਪ੍ਰੋਗਰਾਮ ਵਾਟਰਫਰੰਟ 'ਤੇ ਇੱਕ ਪ੍ਰਾਈਡ ਜਸ਼ਨ ਵਿੱਚ ਸੀ।​​  

ਉਸਨੇ ਕਿਹਾ "ਸ਼ੁਰੂ-ਸ਼ੁਰੂ ਵਿੱਚ ਕਿਸੇ ਅਜਨਬੀ ਕੋਲ ਜਾਣ ਕਰਕੇ ਥੋੜ੍ਹੀ ਘਬਰਾਹਟ ਹੁੰਦੀ ਸੀ"। “ਪਰ ਜਿਵੇਂ-ਜਿਵੇਂ ਦਿਨ ਬੀਤਦਾ ਗਿਆ, ਮੇਰੀ ਝਿਝਕ ਖਤਮ ਹੁੰਦੀ ਗਈ। ਮੈਨੂੰ ਲੱਗਿਆ, 'ਵਾਹ, ਇੰਝ ਲੱਗਦਾ ਜਿਵੇਂ ਮੈਂ ਹੁਣ ਕੁਝ ਜ਼ਰੂਰੀ ਕੰਮ ਕਰ ਰਹੀ ਹਾਂ।'"​​  

ਨਜ਼ਰਅੰਦਾਜ਼ਗੀ — ਅਤੇ ਇੱਥੋਂ ਤੱਕ ਕਿ ਅਸੁਵਿਧਾਜਨਕ ਗੱਲਬਾਤ ਵੀ — ਸਿੱਖਣ ਦੀ ਪ੍ਰਕਿਰਿਆ ਦਾ ਹਿੱਸਾ ਸਨ। ਪਰ ਤਿੰਨੋਂ ਅੰਬੈਸਡਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ  ਤਜ਼ਰਬਿਆਂ ਨੇ  ਲਚੀਲਾਪਣ ਅਤੇ ਵਿਸ਼ਵਾਸ ਪੈਦਾ ਕੀਤਾ।​​  

ਟੂਰੈ ਨੇ ਕਿਹਾ "ਇੰਨੀ ਜਲਦੀ ਇੱਕ ਅੰਬੈਸਡਰ ਬਣਨਾ ਜ਼ਿੰਦਗੀ ਵਿੱਚ ਮੁੱਖ ਕਦਮਾਂ ਵਿੱਚੋਂ ਇੱਕ ਸੀ ਜਿਸ ਦੀ ਮੈਨੂੰ ਬਹੁਤ ਲੋੜ ਸੀ"। "ਇਸਨੇ ਸੱਚਮੁੱਚ ਮੈਨੂੰ ਖੁੱਲ੍ਹ ਕੇ ਅਤੇ ਸਪੱਸ਼ਟ ਬੋਲਣ ਵਿੱਚ ਮੇਰੀ ਕਾਫੀ ਮਦਦ ਕੀਤੀ।"​​  

ਸਮੇਂ ਦੇ ਨਾਲ, ਗੱਲਬਾਤ ਡੂੰਘੀ ਅਤੇ ਵਧੇਰੇ ਅਰਥਪੂਰਨ ਹੁੰਦੀ ਗਈ।​​  

2025 ਪ੍ਰਮੁੱਖ ਚੋਣਾਂ ਦੇ ਸਿਲਸਿਲੇ ਦੌਰਾਨ ਚੇਲਸੀ ਪੀਅਰਸ ਵਿਖੇ ਇੱਕ ਪ੍ਰਾਈਡ ਪ੍ਰੋਗਰਾਮ ਵਿੱਚ, ਟੂਰੈ ਨਿਊਯਾਰਕ ਦੇ ਇੱਕ ਬਜ਼ੁਰਗ ਪ੍ਰਵਾਸੀ ਨੂੰ ਮਿਲੀ, ਜਿਸਨੇ ਆਪਣੀ ਜ਼ਿੰਦਗੀ ਵਿੱਚ ਕਦੇ ਵੀ ਵੋਟ ਨਹੀਂ ਪਾਈ ਸੀ।​​  

ਟੂਰੈ ਨੇ ਕਿਹਾ "ਉਸਨੇ ਮੈਨੂੰ ਦੱਸਿਆ ਕਿ ਉਸਨੇ ਆਪਣੀ ਜ਼ਿੰਦਗੀ ਵਿੱਚ ਕਦੇ ਵੀ ਵੋਟ ਨਹੀਂ ਪਾਈ"। "ਪਰ ਉਸਨੇ ਕਿਹਾ ਕਿ ਇਹ ਚੋਣ ਮਹੱਤਵਪੂਰਨ ਜਾਪੀ ਕਿਉਂਕਿ ਨਿਊਯਾਰਕ ਉਸਦਾ ਘਰ ਹੈ।"​​  

ਦੋਵਾਂ ਨੇ ਇਸ ਬਾਰੇ ਵਿਸਥਾਰ ਨਾਲ ਗੱਲ ਕੀਤੀ ਕਿ ਸਥਾਨਕ ਚੋਣਾਂ ਕਿਉਂ ਮਾਇਨੇ ਰੱਖਦੀਆਂ ਹਨ ਅਤੇ ਕਿਵੇਂ ਇੱਕ ਵੋਟ ਵੀ ਉਸ ਸ਼ਹਿਰ ਦੇ ਭਵਿੱਖ ਲਈ ਜ਼ਰੂਰੀ ਹੈ ਜਿਸਨੂੰ ਕੋਈ ਦਿਲੋਂ ਪਿਆਰ ਕਰਦਾ ਹੈ। ਇਸ ਗੱਲਬਾਤ ਨਾਲ ਟੂਰੈ ਲਈ ਇਹ ਪੱਖ ਹੋਰ ਮਜ਼ਬੂਤ ਹੋ ਗਿਆ ਕਿ ਨਾਗਰਿਕ ਸ਼ਮੂਲੀਅਤ ਨਿੱਜੀ ਹੁੰਦੀ ਹੈ, ਜੋ ਜੀਵਤ ਅਨੁਭਵ, ਵਿਸ਼ਵਾਸ, ਪਛਾਣ ਅਤੇ ਜੁੜੇ ਹੋਣ ਦੀ ਭਾਵਨਾ ਨਾਲ — ਸੰਬੰਧਿਤ ਹੁੰਦੀ ਹੈ।​​  

ਆਚੋਲ ਲਈ, ਇੱਕ ਵੋਟਰ ਨਾਲ ਇੱਕ ਸ਼ੁਰੂਆਤੀ ਗੱਲਬਾਤ, ਜੋ ਪ੍ਰੋਗਰਾਮ ਬਾਰੇ ਪੁੱਛਣ ਲਈ ਰੁਕਿਆ ਸੀ, ਨੇ ਕਾਫੀ ਪ੍ਰਭਾਵ ਪਾਇਆ। ​​ 

ਮੈਟਰੋਪੋਲੀਟਨ ਏਸ਼ੀਅਨ ਡੈਫ਼ ਐਸੋਸੀਏਸ਼ਨ ਵਿਖੇ ਇੱਕ ਹੋਰ ਪਹੁੰਚ ਪ੍ਰੋਗਰਾਮ ਵਿੱਚ, ਟੂਰੈ ਨੇ ਡੈਫ਼ ਏਸ਼ੀਅਨ ਭਾਈਚਾਰੇ ਦੇ ਮੈਂਬਰਾਂ ਨੂੰ ਵੋਟਰ ਜਾਣਕਾਰੀ ਉਪਲਬਧ ਕਰਵਾਉਣ ਵਿੱਚ ਮਦਦ ਕੀਤੀ।​​  

ਉਸਨੇ ਕਿਹਾ "ਇਸ ਤੋਂ ਪਹਿਲਾਂ, ਮੈਨੂੰ ਇਹ ਵੀ ਨਹੀਂ ਪਤਾ ਸੀ ਕਿ ਕੋਈ ਡੈਫ਼ ਏਸ਼ੀਆਈ ਭਾਈਚਾਰਾ ਵੀ ਹੈ"। “ਅਸੀਂ ਵੀ ਬਾਕੀ ਲੋਕਾਂ ਵਾਂਗ ਦੂਜਿਆਂ ਤੱਕ ਜਾਣਕਾਰੀ ਪਹੁੰਚਾਉਣ ਵਿੱਚ ਮਦਦ ਕਰ ਰਹੇ ਸੀ। ਅਪਾਹਜਤਾ ਕਰਕੇ ਕਿਸੇ ਨੂੰ ਵੀ ਬਾਹਰ ਨਹੀਂ ਰੱਖਿਆ ਜਾਣਾ ਚਾਹੀਦਾ।"​​  

ਰਵਾਇਤੀ ਇੰਟਰਨਸ਼ਿਪਾਂ ਦੇ ਉਲਟ, ਯੂਥ ਅੰਬੈਸਡਰ ਐਪਲੀਕੇਸ਼ਨ ਕਿਸੇ ਗ੍ਰੇਡ ਜਾਂ ਪਹਿਲਾਂ ਦੇ ਕ੍ਰੇਡੇਂਸ਼ੀਅਲ ਦੀ ਬਜਾਏ ਸੋਚ-ਵਿਚਾਰ ਅਤੇ ਜੀਵਤ ਅਨੁਭਵ 'ਤੇ ਫੋਕਸ ਕਰਦਾ ਹੈ।​​  

 ਐਪਲੀਕੇਸ਼ਨ ਵਿੱਚ ਭਾਈਚਾਰਕ ਸ਼ਮੂਲੀਅਤ ਬਾਰੇ ਇੱਕ ਲੇਖ ਦਾ ਸਵਾਲ ਇਮਤਿਆਜ਼ ਨੂੰ ਬਹੁਤ ਵਧੀਆ ਲੱਗਿਆ।​​  

ਉਸਨੇ ਕਿਹਾ "ਉਸ ਸਮੇਂ, ਮੈਂ ਇੱਕ ਦੱਖਣੀ ਏਸ਼ੀਆਈ ਨੌਜਵਾਨ ਸੰਗਠਨ ਪ੍ਰੋਗਰਾਮ ਦਾ ਹਿੱਸਾ ਸੀ"। “ਇਹ ਪਹਿਲੀ ਵਾਰ ਸੀ ਜਦੋਂ ਮੈਂ ਸੱਚਮੁੱਚ ਉਨ੍ਹਾਂ ਲੋਕਾਂ ਨਾਲ ਜੁੜਿਆ ਮਹਿਸੂਸ ਕੀਤਾ ਜਿਨ੍ਹਾਂ ਦਾ ਪਿਛੋਕੜ ਅਤੇ ਕਦਰਾਂ-ਕੀਮਤਾਂ ਬਿਲਕੁਲ ਮੇਰੇ ਜਿਹੀਆਂ ਹੀ ਸਨ। ਇਸ ਬਾਰੇ ਲਿਖਣ ਨਾਲ ਮੈਨੂੰ ਇਹ ਸੋਚਣ ਲਈ ਮਜਬੂਰ ਹੋਣਾ ਪਿਆ ਕਿ ਇੱਕ ਭਾਈਚਾਰਾ ਕਿੰਨਾ ਸ਼ਕਤੀਸ਼ਾਲੀ ਹੋ ਸਕਦਾ ਹੈ।"​​  

 ਆਚੋਲ ਲਈ, ਪ੍ਰੋਗਰਾਮ ਨੇ ਨਾਗਰਿਕ ਸ਼ਮੂਲੀਅਤ ਬਾਰੇ ਉਸਦੀ ਸੋਚ ਦਾ ਵਿਸਤਾਰ ਕੀਤਾ ਹੈ।​​  

ਉਹ ਕਹਿੰਦੀ ਹੈ ਕਿ ਉਸਨੇ ਸਭ ਤੋਂ ਮਹੱਤਵਪੂਰਨ ਸਬਕਾਂ ਵਿੱਚੋਂ ਇੱਕ ਇਹ ਸਿੱਖਿਆ ਕਿ ਗੱਲਬਾਤ ਕਿਵੇਂ ਕਰਨੀ ਹੈ ਭਾਵੇਂ ਵਿਚਾਰ ਨਾ ਮਿਲਦੇ ਹੋਣ।​​  

ਉਸਨੇ ਕਿਹਾ “ਮੈਂ ਇਹ ਜਾਣਿਆ ਕਿ ਕਦੇ-ਕਦੇ ਸਹਿਮਤ ਨਾ ਹੋਣਾ ਵੀ ਠੀਕ ਹੁੰਦਾ ਹੈ”। “ਇੱਕ ਅਰਥਪੂਰਨ ਗੱਲਬਾਤ ਲਈ, ਤੁਹਾਡਾ ਕਿਸੇ ਦੇ ਵਿਚਾਰਾਂ ਨਾਲ ਸਹਿਮਤ ਹੋਣਾ ਜ਼ਰੂਰੀ ਨਹੀਂ  ਹੁੰਦਾ। ਨਿਰਪੱਖ ਦ੍ਰਿਸ਼ਟੀਕੋਣ ਨਾਲ ਮੈਨੂੰ ਲੋਕਾਂ ਨੂੰ ਬਿਹਤਰ ਢੰਗ ਨਾਲ ਸਮਝਣ ਵਿੱਚ ਮਦਦ ਮਿਲੀ।"​​  

ਟੂਰੈ ਲਈ, ਆਪਣੇ ਗੁਆਂਢ, ਬ੍ਰੌਂਕਸ ਦੇ ਮਾਊਂਟ ਹੋਪ ਵਿੱਚ ਸਥਾਨਕ ਮੁੱਦਿਆਂ ਬਾਰੇ ਜਾਣਨਾ, ਬਹੁਤ ਵੱਡਾ ਬਦਲਾਅ ਲਿਆਉਣ ਵਾਲਾ ਅਨੁਭਵ ਸੀ।​​  

ਉਸਨੇ ਕਿਹਾ "ਜਦੋਂ ਮੈਂ ਪਹਿਲੀ ਵਾਰ ਸ਼ਾਮਲ ਹੋਈ, ਮੈਨੂੰ ਪਤਾ ਲੱਗਾ ਕਿ ਸਿਟੀ ਵਿੱਚ ਸਭ ਤੋਂ ਘੱਟ ਵੋਟਰ ਇਕੱਠ ਵਾਲੇ ਗੁਆਂਢਾਂ ਵਿੱਚੋਂ ਇੱਕ ਗੁਆਂਢ ਮੇਰਾ ਵੀ ਹੈ"। "ਇਸਦੇ ਬਹੁਤ ਸਾਰੇ ਕਾਰਕ ਹਨ​​  —​​  ਭਾਸ਼ਾ ਪਹੁੰਚ, ਇਮੀਗ੍ਰੇਸ਼ਨ ਸਥਿਤੀ, ਇਤਿਹਾਸ।"​​  

ਸਥਾਨਕ ਇਤਿਹਾਸ ਦਾ ਅਧਿਐਨ​​  —​​   ਜਿਵੇਂ ਕਿ ਯੋਜਨਾਬੰਦੀ ਦੇ ਫੈਸਲਿਆਂ ਦੇ ਲੰਬੇ ਸਮੇਂ ਦੇ ਪ੍ਰਭਾਵ ​​ —​​  ਨੇ ਉਸ ਦੀ ਆਪਣੀ ਰੋਜ਼ਾਨਾ ਜ਼ਿੰਦਗੀ ਨਾਲ ਨਾਗਰਿਕ ਸ਼ਮੂਲੀਅਤ ਨੂੰ ਜੋੜਨ ਵਿੱਚ ਮਦਦ ਕੀਤੀ।​​  

ਪ੍ਰੋਗਰਾਮ ਦੇ ਜ਼ਰੀਏ, ਉਸ ਨੂੰ ਪਤਾ ਲੱਗਿਆ ਕਿ ਉਹ 16 ਸਾਲ ਦੀ ਉਮਰ ਵਿੱਚ ਹੀ ਪਹਿਲਾਂ ਹੀ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦੀ ਹੈ ਅਤੇ ਇੱਕ ਕਿਸ਼ੋਰ ਦੇ ਤੌਰ 'ਤੇ ਆਪਣੇ ਭਾਈਚਾਰੇ ਬਾਰੇ ਬੋਰਡ ਵਿੱਚ ਸ਼ਾਮਲ ਹੋ ਸਕਦੀ ਹੈ​​  —​​  ਕੁਝ ਅਜਿਹਾ ਜੋ ਉਸਨੇ ਬਾਅਦ ਵਿੱਚ ਕੀਤਾ।​​  

ਉਸਨੇ ਕਿਹਾ "ਅਸਲ ਵਿੱਚ ਇਹ ਬਦਲਾਅ ਵੱਲ ਸਾਡੀ ਸ਼ੁਰੂਆਤ ਹੀ ਹੈ"। "ਇਸ ਨਾਲ ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਜਾਂਦੀ ਰਹਾਂ ਅਤੇ ਆਪਣਾ ਕੰਮ ਕਰਦੀ ਰਹਾਂ, ਇਹ ਕਾਫ਼ੀ ਹੈ।"​​  

ਯੂਥ ਅੰਬੈਸਡਰ ਵਜੋਂ ਸ਼ੁਰੂਆਤ ਕਰਨ ਤੋਂ ਬਾਅਦ, ਇਮਤਿਆਜ਼ ਹੁਣ ਇੰਟਰਨ ਵੱਜੋਂ ਨਿਊਯਾਰਕ ਸ਼ਹਿਰ ਦੇ ਚੋਣ-ਪ੍ਰਚਾਰ ਬਾਰੇ ਫ਼ਾਇਨਾਂਸ ਬੋਰਡ, ਵਿਖੇ ਨਾਗਰਿਕ ਸ਼ਮੂਲੀਅਤ ਅਤੇ ਸਿੱਖਿਆ ਟੀਮ ਨਾਲ ਕੰਮ ਕਰਦੀ ਹੈ ਉਹੀ ਦਫ਼ਤਰ ਜੋ ਪ੍ਰੋਗਰਾਮ ਦੀ ਨਿਗਰਾਨੀ ਕਰਦਾ ਹੈ ​​ —​​  ਇੱਕ ਪੂਰਾ ਗੋਲ-ਚੱਕਰ ਵਾਲਾ ਪਲ।​​  

ਉਸਨੇ ਕਿਹਾ "ਐਪਲੀਕੇਸ਼ਨਾਂ ਨੂੰ ਗ੍ਰੇਡ ਕਰਨਾ ਵਾਕਈ ਵਧੀਆ ਕੰਮ ਹੈ"। "ਬਹੁਤ ਸਮਾਂ ਪਹਿਲਾਂ, ਮੈਂ ਵੀ ਉਹਨਾਂ ਵਿੱਚੋਂ ਇੱਕ ਸੀ।"​​  

ਆਚੋਲ ਹੁਣ ਇੱਕ ਐਲੂਮਨੀ ਕਮੇਟੀ ਮੈਂਬਰ ਵੱਜੋਂ ਕੰਮ ਕਰਦੀ ਹੈ ਅਤੇ ਹੋਰ ਨੌਜਵਾਨਾਂ ਨੂੰ ਅਪਲਾਈ ਕਰਨ ਲਈ ਉਤਸ਼ਾਹਿਤ ਕਰਦੀ ਹੈ।​​  

ਟੂਰੈ ਵੀ ਇੱਕ ਨਵਾਂ ਰਾਹ ਬਣਾ ਰਹੀ ਹੈ। ਡਾਕਟਰੀ ਦੀ ਪੜ੍ਹਾਈ ਕਰਨ ਦੀ ਬਜਾਏ, ਉਹ ਰਾਜਨੀਤੀ ਸ਼ਾਸਤਰ ਜਾਂ ਜਨਤਕ ਪਾੱਲਿਸੀ ਵਿੱਚ ਮੇਜਰ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।​​  

ਉਸਨੇ ਕਿਹਾ "ਜੇ ਮੈਂ ਕਦੇ ਵੀ ਇਸ ਪ੍ਰੋਗਰਾਮ ਵਿੱਚ ਸ਼ਾਮਲ ਨਾ ਹੁੰਦੀ, ਤਾਂ ਮੈਂ ਸ਼ਾਇਦ ਅਜੇ ਵੀ ਬੇਮਨੋ ਡਾਕਟਰੀ ਖੇਤਰ ਵਿੱਚ ਜਾਣ ਦੀ ਕੋਸ਼ਿਸ਼ ਕਰ ਰਹੀ ਹੁੰਦੀ"। "[ਇਸਨੇ] ਮੇਰੀ ਜ਼ਿੰਦਗੀ ਬਦਲ ਦਿੱਤੀ।"​​  

ਤਿੰਨੋਂ ਅੰਬੈਸਡਰ ਇਸ ਗੱਲ 'ਤੇ ਜ਼ੋਰ ਦਿੰਦੇ ਹਨ ਕਿ ਇਹ ਪ੍ਰੋਗਰਾਮ ਵੋਟਰ ਰਜਿਸਟ੍ਰੇਸ਼ਨ ਨੰਬਰਾਂ ਤੋਂ ਕੀਤੇ ਵਧਕੇ ਹੈ​​  —​​  ਇਹ ਰਿਸ਼ਤਿਆਂ, ਵਿਸ਼ਵਾਸ ਅਤੇ ਵਿਕਾਸ ਬਾਰੇ ਹੈ।​​  

ਟੂਰੈ ਨੇ ਕਿਹਾ "ਮੈਂ ਇਸ ਪ੍ਰੋਗਰਾਮ ਰਾਹੀਂ ਆਪਣੇ ਕੁਝ ਕਰੀਬੀ ਦੋਸਤਾਂ ਨੂੰ ਮਿਲੀ"। “ਇਹ ਸਿਰਫ਼ ਇੱਕ ਕੰਮ ਨਹੀਂ ਹੈ। ਇਹ ਲੋਕਾਂ ਬਾਰੇ ਹੈ।​​  

ਅਪਲਾਈ ਕਰਨ ਬਾਰੇ ਵਿਚਾਰ ਕਰ ਰਹੇ ਨੌਜਵਾਨਾਂ ਨੂੰ ਉਸਦੀ ਸਲਾਹ?​​  

ਉਸਨੇ ਕਿਹਾ "ਇਸਨੂੰ ਤੁਰੰਤ ਕਰੋ"। “ਜੇ ਤੁਸੀਂ ਕੁਝ ਨਵਾਂ ਕਰਨ ਦਾ ਸਾਹਸ ਕਰਦੇ ਹੋ ਤਾਂ ਇਸ ਨਾਲ ਤੁਹਾਨੂੰ ਕੋਈ ਨੁਕਸਾਨ ਨਹੀਂ ਹੁੰਦਾ। ਇਹ ਸ਼ਾਇਦ ਮੇਰੇ ਨਾਲ ਹੋਈ ਸਭ ਤੋਂ ਵਧੀਆ ਚੀਜ਼ ਹੈ।"​​  

ਨੌਜਵਾਨ ਅਗਵਾਈ ਵਿੱਚ ਨਿਵੇਸ਼ ਕਰਕੇ, NYC Votes ਇੱਕ ਅਜਿਹੀ ਪੀੜ੍ਹੀ ਦਾ ਨਿਰਮਾਣ ਕਰ ਰਿਹਾ ਹੈ ਜੋ  ਸਿਰਫ਼ ਲੋਕਰਾਜ ਸ਼ਬਦ ਹੀ ਨਹੀਂ ਸਗੋਂ ਇਸ ਦਾ ਅਸਲ ਮਹੱਤਵ ਵੀ ਸਮਝਦੀ ਹੈ ​​ —​​  ਪਰ ਇਸਨੂੰ ਆਕਾਰ ਦੇਣ ਵਿੱਚ  ਸਰਗਰਮੀ ਨਾਲਹਿੱਸਾ ਲੈਂਦੀ ਹੈ।​​