ਚੋਣਾਂ ਦੀਆਂ ਕਿਸਮਾਂ​​ 

ਇਹ ਚੋਣਾਂ ਤੋਂ ਪਹਿਲਾਂ ਦੀ ਚੋਣ ਹੈ। ਪ੍ਰਮੁੱਖ ਚੋਣਾਂ ਵਿੱਚ, ਤੁਸੀਂ ਫ਼ੈਸਲਾ ਕਰਦੇ ਹੋ ਕਿ ਕਿਹੜਾ ਉਮੀਦਵਾਰ ਆਮ ਚੋਣਾਂ ਲਈ ਤੁਹਾਡੀ ਪਾਰਟੀ ਦਾ ਨਾਮਜ਼ਦ ਸ਼ਖ਼ਸ ਹੋਏਗਾ।​​ 

ਪ੍ਰਮੁੱਖ ਚੋਣਾਂ ਕਦੋਂ ਹੁੰਦੀਆਂ ਹਨ?​​ 

• ਜਦੋਂ ਇੱਕ ਤੋਂ ਵੱਧ ਉਮੀਦਵਾਰ ਕਿਸੇ ਪਾਰਟੀ ਦੀ ਨਾਮਜ਼ਦਗੀ ਲੈਣਾ ਚਾਹੁੰਦੇ ਹਨ।​​ 

ਪ੍ਰਮੁੱਖ ਚੋਣ ਵਿੱਚ ਕੌਣ ਵੋਟ ਪਾ ਸਕਦਾ ਹੈ?​​ 

• ਪ੍ਰਮੁੱਖ ਚੋਣ ਵਿੱਚ ਵੋਟ ਪਾਉਣ ਲਈ, ਤੁਹਾਡਾ ਕਿਸੇ ਸਿਆਸੀ ਪਾਰਟੀ ਨਾਲ ਰਜਿਸਟਰ ਹੋਣਾ ਬਹੁਤ ਜ਼ਰੂਰੀ ਹੈ।​​  

ਜਦੋਂ ਕੋਈ ਉਮੀਦਵਾਰ ਪ੍ਰਮੁੱਖ ਚੋਣ ਜਿੱਤਦਾ ਹੈ, ਤਾਂ ਕੀ ਹੁੰਦਾ ਹੈ?​​ 

• ਪ੍ਰਮੁੱਖ ਚੋਣ ਦਾ ਜੇਤੂ ਨਵੰਬਰ ਵਿੱਚ ਹੁੰਦੀਆਂ ਆਮ ਚੋਣਾਂ ਵਿੱਚ ਉਸ ਪਾਰਟੀ ਦੇ ਨਾਮਜ਼ਦ ਸ਼ਖ਼ਸ਼ ਵਜੋਂ ਚੋਣ ਲੜਣ ਲਈ ਖੜ੍ਹਾ ਹੁੰਦਾ ਹੈ।​​  

ਮੈਂ ਕਿੰਨੇ ਉਮੀਦਵਾਰਾਂ ਨੂੰ ਵੋਟ ਪਾ ਸਕਦਾ/ਸਕਦੀ ਹਾਂ?​​ 

ਸ਼ਹਿਰੀ ਦਫ਼ਤਰਾਂਲਈ ਪ੍ਰਮੁੱਖ ਚੋਣਾਂ ਵਿੱਚ, NYC ਤਰਜੀਹੀ ਵੋਟਿੰਗ ਦੀ ਵਰਤੋਂ ਕਰਦੀ ਹੈ।ਇਸਦਾ ਮਤਲਬ ਹੈ ਕਿ ਤੁਸੀਂ ਸਿਰਫ਼ 1 ਨੂੰ ਚੁਣਨ ਦੀ ਥਾਂ ਤਰਜੀਹੀ-ਤਰਤੀਬ ਵਿੱਚ 5 ਉਮੀਦਵਾਰਾਂ ਤੱਕ ਨੂੰ ਰੈਂਕ ਦੇ ਸਕਦੇ ਹੋ।​​ 

ਹੋਰ ਸਾਰੀਆਂ ਪ੍ਰਮੁੱਖ ਚੋਣਾਂ (ਜਿਵੇਂ ਪ੍ਰੈਜ਼ੀਡੈਂਟ ਲਈ) ਵਿੱਚ, ਤੁਸੀਂ ਸਿਰਫ਼ ਇੱਕ ਉਮੀਦਵਾਰ ਨੂੰ ਵੋਟ ਪਾ ਸਕਦੇ ਹੋ।​​ 

ਇਹ ਚੈਂਪੀਅਨਸ਼ਿਪ ਮੈਚ ਹੈ। ਵੱਖ-ਵੱਖ ਪਾਰਟੀਆਂ ਦੇ ਉਮੀਦਵਾਰ ਚੁਣਿਆ ਗਿਆ ਅਹੁਦਾ ਜਿੱਤਣ ਲਈ ਮੁਕਾਬਲਾ ਕਰਦੇ ਹਨ। ਪ੍ਰਮੁੱਖ ਚੋਣਾਂ ਦੇ ਜੇਤੂ ਆਮ ਚੋਣਾਂ ਵਿੱਚ ਆਪਣੀ ਪਾਰਟੀ ਦੀ ਨੁਮਾਇੰਦਗੀ ਕਰਦੇ ਹਨ।​​  

ਆਮ ਚੋਣਾਂ ਵਿੱਚ ਕਈ ਵਾਰੀ ਤਜਵੀਜ਼ਾਂ ਵਾਲ਼ੀ ਵੋਟ-ਪਰਚੀ ਸ਼ਾਮਿਲ ਹੁੰਦੀ ਹੈ, ਜਿੱਥੇ ਵੋਟਰ ਚੋਣ ਕਰਦੇ ਹਨ ਕਿ ਨਵੇਂ ਕਾਨੂੰਨ ਜਾਂ ਨੀਤੀਆਂ ਅਪਣਾਉਣੀਆਂ ਹਨ ਜਾਂ ਨਹੀਂ।​​ 

ਆਮ ਚੋਣਾਂ ਕਦੋਂ ਹੁੰਦੀਆਂ ਹਨ?​​ 

• ਮਿਆਦ ਪੁੱਗਣ 'ਤੇ ਖ਼ਾਲੀ ਸੀਟ ਭਰਨ ਲਈ ਆਮ ਚੋਣਾਂ ਕਰਾਈਆਂ ਜਾਂਦੀਆਂ ਹਨ। ਉਹਨਾਂ ਦਾ ਪ੍ਰਬੰਧ ਨਵੰਬਰ ਦੇ ਪਹਿਲੇ ਮੰਗਲਵਾਰ ਨੂੰ ਕੀਤਾ ਜਾਂਦਾ ਹੈ।​​ 

ਆਮ ਚੋਣ ਵਿੱਚ ਕੌਣ ਵੋਟ ਪਾ ਸਕਦਾ/ਸਕਦੀ ਹੈ?​​ 

• ਕੋਈ ਵੀ ਰਜਿਸਟਰਡ ਵੋਟਰ ਆਮ ਚੋਣਾਂ ਵਿੱਚ ਵੋਟ ਪਾ ਸਕਦਾ ਹੈ।ਤੁਸੀਂ ਆਪਣੀ ਪਸੰਦ ਦੇ ਕਿਸੇ ਵੀ ਉਮੀਦਵਾਰ ਨੂੰ ਵੋਟ ਪਾ ਸਕਦੇ ਹੋ।ਬੱਸ ਯਕੀਨੀ ਬਣਾਓ ਕਿ ਤੁਸੀਂ ਅੰਤਮ-ਤਾਰੀਖ਼ ਤੱਕ ਰਜਿਸਟ੍ਰਰੇਸ਼ਨ ਕਰਾਈ ਹੈ!​​ 

ਜਦੋਂ ਕੋਈ ਉਮੀਦਵਾਰ ਆਮ ਚੋਣ ਜਿੱਤਦਾ ਹੈ, ਤਾਂ ਕੀ ਹੁੰਦਾ ਹੈ?​​ 

• ਜੇਤੂ ਆਪਣੇ ਕੰਮ ਦੇ ਮਹੂਰਤ ਵਾਲ਼ੇ ਦਿਨ ਕੰਮ ਸ਼ੁਰੂ ਕਰਦਿਆਂ ਦਫ਼ਤਰ ਵਿੱਚ ਸੇਵਾ ਦਿੰਦਾ ਹੈ।​​ 

ਮੈਂ ਕਿੰਨੇ ਉਮੀਦਵਾਰਾਂ ਨੂੰ ਵੋਟ ਪਾ ਸਕਦਾ/ਸਕਦੀ ਹਾਂ?​​ 

• ਆਮ ਚੋਣਾਂ ਵਿੱਚ ਤੁਸੀਂ ਹਰੇਕ ਦਫ਼ਤਰ ਲਈ ਸਿਰਫ਼ 1 ਉਮੀਦਵਾਰ ਨੂੰ ਹੀ ਵੋਟ ਪਾ ਸਕਦੇ ਹੋ।​​ 

ਜਿਸ ਸਮੇਂ ਕੋਈ ਚੁਣਿਆ ਹੋਇਆ ਅਫ਼ਸਰ ਆਪਣੀ ਮਿਆਦ ਖ਼ਤਮ ਹੋਣ ਤੋਂ ਪਹਿਲਾਂ ਅਹੁਦਾ ਛੱਡਦਾ ਹੈ, ਤਾਂ ਉਸ ਸਮੇਂ ਖ਼ਾਸ ਚੋਣਾਂ ਕਰਾਈਆਂ ਜਾਂਦੀਆਂ ਹਨ।​​  

ਖ਼ਾਸ ਚੋਣਾਂ ਕਦੋਂ ਹੁੰਦੀਆਂ ਹਨ?​​ 

• ਅਹੁਦਾ ਖ਼ਾਲੀ ਹੋਣ ਦੇ ਤਿੰਨ ਦਿਨਾਂ ਦੇ ਅੰਦਰ, ਮੇਅਰ ਵਲੋਂ ਖ਼ਾਸ ਚੋਣਾਂ ਦੀਆਂ ਤਾਰੀਖ਼ਾਂ ਤੈਅ ਕੀਤੀਆਂ ਜਾਂਦੀਆਂ ਹਨ। ਉਹ ਤਾਰੀਖ਼ਾਂ, ਆਮ ਤੌਰ 'ਤੇ ਅਹੁਦਾ ਖ਼ਾਲੀ ਹੋਣ ਤੋਂ ਘੱਟੋ-ਘੱਟ 80 ਦਿਨਾਂ ਬਾਅਦ ਪਹਿਲੇ ਮੰਗਲਵਾਰ ਨੂੰ ਰੱਖੀਆਂ ਜਾਂਦੀਆਂ ਹਨ।​​ 

ਖ਼ਾਸ ਚੋਣ ਵਿੱਚ ਕੌਣ ਵੋਟ ਪਾ ਸਕਦਾ ਹੈ?​​ 

• ਕੋਈ ਵੀ ਰਜਿਸਟਰਡ ਵੋਟਰ, ਜੋ ਖ਼ਾਸ ਚੋਣ ਕਰਾਉਣ ਵਾਲ਼ੀ ਡਿਸਟ੍ਰਿਕਟ ਦੇ ਅੰਦਰ ਰਹਿੰਦਾ ਹੈ, ਨੂੰ ਵੋਟ ਪਾਉਣ ਹੱਕਦਾਰ ਹੈ।​​ 

ਜਦੋਂ ਕੋਈ ਉਮੀਦਵਾਰ ਖ਼ਾਸ ਚੋਣ ਜਿੱਤਦਾ ਹੈ, ਤਾਂ ਕੀ ਹੁੰਦਾ ਹੈ?​​ 

• ਜੇਤੂ ਦਫ਼ਤਰ ਵਿੱਚ ਸੇਵਾ ਦਿੰਦਾ ਹੈ।​​ 

ਮੈਂ ਕਿੰਨੇ ਉਮੀਦਵਾਰਾਂ ਨੂੰ ਵੋਟ ਪਾ ਸਕਦਾ/ਸਕਦੀ ਹਾਂ?​​ 

• ਸ਼ਹਿਰੀ ਦਫ਼ਤਰਾਂ ਲਈ ਖ਼ਾਸ ਚੋਣਾਂ ਵਿੱਚ, ਪ੍ਰਮੁੱਖ ਚੋਣਾਂ ਵਿੱਚ, NYC ਤਰਜੀਹੀ ਵੋਟਿੰਗ ਦੀ ਵਰਤੋਂ ਕਰਦੀ ਹੈ। ਇਸਦਾ ਮਤਲਬ ਹੈ ਕਿ ਤੁਸੀਂ ਸਿਰਫ਼ 1 ਨੂੰ ਚੁਣਨ ਦੀ ਥਾਂ ਤਰਜੀਹੀ-ਤਰਤੀਬ ਵਿੱਚ 5 ਉਮੀਦਵਾਰਾਂ ਤੱਕ ਨੂੰ ਰੈਂਕ ਦੇ ਸਕਦੇ ਹੋ।​​ 

ਹੋਰ ਸਾਰੀਆਂ ਖ਼ਾਸ ਚੋਣਾਂ ਵਿੱਚ, ਤੁਸੀਂ ਸਿਰਫ਼ ਇੱਕ ਉਮੀਦਵਾਰ ਨੂੰ ਵੋਟ ਪਾ ਸਕਦੇ ਹੋ।​​